Петар Печков

Објавено: четврток, 11 ноември 2010 1110 373

Третата четврток од ноември, денот кога се запива младото вино, празник кај французите познат како Божуле, беше денот кој локалните власти го планираа за традиционалната питијадата. За овој ден се планираше заеднички да се обележи кога се започнува да се јаде питата пастрмалија и се пие младото вино. Но работите стојат во место и неизвесно е дали ќе се случи оваа манифестација, која беше бренд на градот.

Како општина имавме неколку средби со угостителите од Велес за одржување на годинашнава манифестација есенва. Со цел подобра соработка им понудивме простор, Младински или паркингот пред Судот. Им понудивме тезги, им понудивме гостин некој познат фолк пеач да ги забавува гостите и парите од продадените пити да ги задржат за себе. Тоа е многу повеќе од сите досега одржани питијади. Одоговор од велешките угостители да дојдат и на гостите им ги понудат нивната пита пастрмалија и да заработат, го нема – велат од општина Велес.

Во планот било на овој ден освен што ќе се започне да се јаде пити, да се нуди вино по пониски цени по повод Божуле ,за што имало интерес од велешките и други винарии.  Неофицијалните информации се дека в понеделник ќе биде последната средба со велешките угостители, по што ќе се знае ќе се одржи ли велешката питијада или ќе мораме да одиме во Штип на пастрамајлијада, иако досега во Велес се одржаа шест вакви манифестации  а гости доаѓаа многу дипломати, амбасадори, гости...